विकास निर्माणले पनि पर्यटन प्रवद्र्धनमा सहयोग पुग्छ भन्ने उदाहरण बनेको छ, इलाम र झापाको सीमावर्ती क्षेत्र चपेटी ।
झापाको दमकबाट उत्तरतर्फ पर्ने इलामको चुलाचुली–९ हाल को चुलाचुली गाउ पालिका -५ मा रहेको चपेटी र सँगैको कोलडाँडा गत वर्ष झोलुङ्गे पुल निर्माण भएपछि झापा र मोरङ्गको आकर्षक पर्यटकीय गन्तव्य बनेको छ । दमक चोकबाट करीब १० किलोमिटर दूरीमा पर्ने रवितर्फ जाने बाटो नजिकै रतुवाखोला आसपासको क्षेत्रमा पर्ने ती ठाउँमा रहेको प्राकृतिक सौन्दर्यता, झोलुङ्गे पुल र शान्त वातारवरणका कारण त्यहाँ आन्तरिक पर्यटकहरु जान थालेका छन्
। बेलडाँगी हुँदै जाने सो क्षेत्रमा जादाँ भुटानी शरणार्थी शिविर र नजिकै रहेको किरात महागुरु तथा राष्ट्रबिभूती फाल्गुनन्दको शालिकसहितको धार्मिक माङहिम अर्थात मन्दिरहरु र त्यस क्षेत्रमा रहेका परम्परागत शैलीका काठका घरहरुले त्यहाँ जाने पर्यटकको ध्यान खिचिरहेको छ ।युवायुवतीका साथै शैक्षिक भ्रमण र वनभोजका लागि जाने मानिसहरु बढिरहेको बताए । उनले पर्यटकहरुको त्यस ठाउँको आकर्षण बढ्दै गएको छ ।
दमकबाट छोटो दूरीमा रहेको र त्यहा नजिकैसम्म दमक रवि सडकको आशिंक खण्ड कालोपत्रे समेत भएका कारण सुविधा पुगेको हो ।
यहाँको प्राकृतिक सौन्दर्य पहिलेदेखि भए पनि सडकको ठाउँ–ठाउँमा आवश्यक खोला खोल्सीमा पुल तथा कल्भर्ट निर्माण गर्दै खाली क्षेत्र संरक्षण गर्न सके थप पर्यटक आकर्षित गर्न सकिने र यस क्षेत्रकै विकासले फड्को मार्नेछ यस क्षेत्रको केही पूर्वाधार बनाउन सके दमकमा बढ्दो शहरीकरणमा थप टेवा पुग्ने र आरामदायी तथा शान्त वातावरण खोज्न अन्यत्र जानु नपर्ने देखिन्छ ।
0 comments: