सुवास नेम्बाङसँग भिड्दैछन् ८७ वर्षीय बृद्ध दलबहादुर

 मङ्सिर २१ गते हुन लागेको प्रतिनिधी सभाको निर्वाचनमा इलामका एकजना ७८ वर्षीय बृद्धले उम्मेदवारी दिएका छन् । उनले इलामको क्षेत्र नम्बर २ मा पूर्व सभामुख सुवास चेन्द्र नेम्बाङसँग भिड्नेगरी मनोनयन दर्ता गराएका हुन् । 

इलामका उम्मेदवारहरूमध्ये सबैभन्दा बढी उमेरका ती दलबहादुर राईले राष्ट्रिय जनता पार्टीका तर्पmबाट उम्मेदवारी दर्ता गरेको निर्वाचन अधिकृतको कार्यालयले जनाएको छ । उनी चुलाचुली गाउँपालिका ३ हात्तीलेदा का   बासिन्दा हुन् । 
दलबहादुरसँग भिड्दै गरेका एमालेका नेम्बाङ उनीभन्दा १४ वर्ष कान्छा अर्थात ६४ वर्षका छन् । सोही क्षेत्रमा उम्मेदवार बनेका काङ्ग्रेसका केशव थापा ५८ वर्षका छन् । अरु उम्मेदवार सो भन्दा कान्छा छन् । 
त्यसैगरी प्रतिनिधी सभा क्षेत्र नम्बर २ को प्रदेश सभा क्षेत्र  नम्बर १ मा उम्मेदवारी दिएका संघीय समाजवादी फोरम नेपालका बखतबहादुर आङ्देम्बे पनि ७० बर्षका छन् । 
सो क्षेत्रमा सबैभन्दा पाका उम्मेदवार उनी १५ वर्ष कान्छा एमालेका राम मगर रानासहितका उम्मेदवारसँग प्रतिष्पर्धा गर्दैछन् । सो क्षेत्रमा राप्रपाबाट उम्मेदवार बनेका ३१ बर्षीय नसीप राई सबैभन्दा कम उम्मेरका हुन् ।
२६ वर्षीय अविवाहित पनि उम्मेदवार
इलामका उम्मेदवारमध्ये सबैभन्दा कान्छा उम्मेदवार प्रतिनिधी सभा २ को प्रदेशसभा २ बाट उठेका २६ वर्षीय मणिबिक्रम लिम्बू हुन् । संघीय समाजवादी फोरमबाट उम्मेदवार बनेका माङ्सेबुङ गाउँपालिका १ गैरीगाउँका उनी अविवाहित हुन् । 
त्यस्तै गरेर मङ्गोल नेशनल अर्गनाइजेशनबाट प्रतिनिधी सभा १ को प्रदेशसभा २ मा उम्मेदवार बनेका सूर्योदय नगरपालिका १० फिक्कलका २८ वर्षीय राजन चाम्लिङ पनि अविवाहित छन् । 
सोही क्षेत्रमा नयाँशक्तिबाट उठेका माई नगरपालिका १० का रामप्रसाद सञ्जेल २९ वर्षका हुन् भने विवेकशिल साझा पाटीबाट प्रतिनिधी सभाको क्षेत्र नम्बर १ मा उम्मेदवार बनेका सचेन घले पनि २७ वर्षका मात्र छन् । घलेले पनि विवाह गरेका छैनन् ।
इलाममा दुई जनामात्र महिला उम्मेदवार
इलाममा प्रतिनिधी सभा र प्रदेश सभा निर्वाचनमा प्रत्यक्ष तर्पmका ५१ जना उम्मेदवारमध्ये दुई जना मात्र अर्थात् पुगनपुग चार प्रतिशतमात्र महिला उम्मेदवार रहेका छन् । उनीहरू दुवै जना एउटै प्रदेशबाट उम्मेदवार बनेका छन् । 
प्रतिनिधी सभा १ को प्रदेश सभा १ मा उनीहरु उम्मेदवार बनेका हुन् । नेकपा एमालेका तर्पबाट खिनु लङ्वा लिम्बू र संघीय समाजवादी फोरम नेपालका तर्फ बाट लासाङ तामाङले प्रदेश सभामा उम्मेदवारी दिएका हुन् ।

चुलाचुली

सेयर गर्नुस्